Outro ano máis voltamos a navegar cos nosos amigos de COGAMI.
Esta tempada compre dicir que foi moi especial:
Primeiro: porque cúmprense 10 anos que comenzamos esta actividade. Dez anos que levamos achegando a mar a estes rapac@s, facendo que gocen dunhas tardes inesquecibles.
Segundo: porque fixemos a estrea dun guindastre para persoas de mobilidade reducida, para facilitarlles o acceso as embarcacións, se fora preciso. Este guindastre forma parte do pantalán da Agrupación Náutica San Gregorio, que sempre están connosco nesta e noutras das nosas actividades.
Compre dicir que esta agrupación ten o 1º pantalán de Galicia para persoas de mobilidade reducida. Rematado no ano 2002 foi proxectado para poder desplazar cadeiras de rodas ou semellantes por toda a instalación; dispón de plataformas e fingers con ancho dabondo, permitindo achegarse con comodidade ata unha das bandas de calquera barco da agrupación. Amáis, a pontella de entrada foi deseñada para un doado acceso independentemente do estado das mareas. Este guindastre ven a ser un plus as instalacións que fan a este pantalán distinto a outros.
Agardamos ao vindeiro ano para gozar tod@s unhas tardes tan fermosas.
Outro ano máis voltamos a colaborar cos nosos amigos de COGAMI.
Fixemos varias saidas neste verán con momentos inesquecibles para os nosos amigos. Coma sempre contamos coa axuda da Agrupación Náutica San Gregorio, que sempre colaboran connosco.
Agardamos que o vindeiro ano gozar tod@s unhas tardes tan fermosas.
O pasado sábado dia 30 de xullo, realizamos unha travesía dende Vigo ata Bueu para acudir ao XXIV Encontro de Embarcacións Tradicionais de Bueu.
Gozamos dunha fermosa navegación, tanto a ida como a volta.
Neste encontro houbo unha homenaxe a D. Víctor Domínguez Antas, presidente da Asociación Os Galos, falecido no 2020 por mor da pandemía.
No video que publicamos do evento facémoslle unha pequena homenaxe en lembranza deste compañeiro.
Despois de dous anos sen actividades por mor da Covid, voltamos este ano a colaborar cos nosos amigos de COGAMI.
Fixemos a primeira saida o pasado venres día 15 e contamos facer dous ou tres paseos máis. Coma sempre contamos coa axuda da Agrupación Náutica San Gregorio, que sempre colaboran connosco.
Agardamos ter unhas fermosas tardes para gozar tod@s.
O pasado sábado dia 18 de setembro, realizamos a botadura do Bote da popa aberta “Mini” e do Bote de Ribadeo “Folguiño”.
O acto tivo lugar na mariña da Agrupación Náutica San Gregorio, con quen compartimos este evento.
Nesta fermosa cerimonia contamos coa asistencia de Dª Elena Espinosa Mangana, Concelleira de Economía e Seguridade do Concello de Vigo, e do Sr. D. Jesus Vázquez Almuiña, presidente do Porto de Vigo, que nos honraron coa súa presenza.
Ademáis, queremos destacar o grato xesto de Dª Elena Espinosa ao actuar como madriña no bautismo do bote Mini.
Por primeira vez, rapaces da ETRAD sairon a navegar unha tardiña connosco. Quedaron moi contentos de navegaren nas embarcacións tradicionais e coa pracenteira sensación da navegación a vela. Por unhas horas, convivimos xentes que tentamos conservar distintas caras da cultura do noso país; eles coa nosa música e nos cos nosos barcos.
