7º Concurso de pesca Infantil
O pasado día 2 de agosto, celebrouse nas instalacións da Agrupación Naútica San Gregorio, o VII concurso de pesca infantil “sen morte”, desenvolto pola Agrupación Náutica de San Gregorio, a Asociación de Pesca Deportiva Rías Baixas e a Asociación de Embarcacións Tradicionais REMADOIRA. Neste evento participaron nenos e nenas de 7 ata 16 anos de idade.
A xornada foi un éxito de asistencia, cunha mañán solleira e unha temperatura moi agradabel. É un concurso de pesca sen morte, onde o impácto na natureza é mínimo xa que as capturas se voltan a auga despois de pesalas, causándolles a minor molestia posibel. Coma sempre a peixe máis collido foi o muxo, especie que abonda nas nosas radas e portos.
Os rapac@s estiveron sempre acompañados dun adulto, o que foi unha magnífica oportunidade de convivencia, encontro e creación de recordos dunha xornada de pesca xuntos.
Houbo medallas para tódolos participantes, e premios para os de maior peso total capturado e para a peza máis pesada.
Agardamos ao vindeiro ano para un novo concurso e outro fermoso día.
